Revelation of John 22
1បន្ទាប់មកទេវតានោះបានបង្ហាញឲ្យខ្ញុំឃើញទន្លេទឹកជីវិតមួយថ្លាដូចជាកែវចរណៃហូរចេញពីបល្ល័ង្ករបស់ព្រះជាម្ចាស់និងបល្ល័ង្ករបស់កូនចៀម 2មកតាមបណ្ដោយផ្លូវនៃក្រុងនោះគឺចំកណ្ដាលផ្លូវហើយនៅសងខាងទន្លេមានដើមជីវិតដែលមានផ្លែដប់ពីរគឺឲ្យផលរៀងរាល់ខែរីឯស្លឹករបស់ដើមឈើនោះសម្រាប់ប្រោសជនជាតិទាំងឡាយឲ្យបានជា។ 3គ្រប់ទាំងបណ្ដាសាលែងមាននៅក្នុងក្រុងនោះទៀតហើយគឺមានតែបល្ល័ង្ករបស់ព្រះជាម្ចាស់និងបល្ល័ង្ករបស់កូនចៀមប៉ុណ្ណោះនៅក្នុងក្រុងនោះហើយពួកបាវបម្រើរបស់ព្រះអង្គនឹងបម្រើព្រះអង្គ។ 4ពួកគេនឹងឃើញព្រះភក្រ្ដរបស់ព្រះអង្គហើយព្រះនាមរបស់ព្រះអង្គនឹងនៅលើថ្ងាសរបស់ពួកគេ។ 5ក្រុងនោះលែងមានយប់ទៀតហើយពួកគេមិនត្រូវការពន្លឺចង្កៀងឬពន្លឺព្រះអាទិត្យទៀតឡើយព្រោះព្រះអម្ចាស់ដ៏ជាព្រះនឹងបំភ្លឺពួកគេហើយពួកគេនឹងសោយរាជ្យអស់កល្បជានិច្ច។ 6ទេវតានោះក៏និយាយមកខ្ញុំថា៖ «ពាក្យទាំងនេះជាពាក្យពិតហើយគួរឲ្យជឿ»។ ព្រះអម្ចាស់ជាព្រះនៃវិញ្ញាណរបស់ពួកអ្នកនាំព្រះបន្ទូលបានចាត់ទេវតារបស់ព្រះអង្គមកបង្ហាញអោយពួកអ្នកបម្រើព្រះអង្គឃើញហេតុការណ៍ដែលត្រូវកើតឡើងក្នុងពេលឆាប់ៗ។ 7«មើល៍យើងនឹងមកជាឆាប់។ មានពរហើយអ្នកដែលកាន់តាមសេចក្ដីដែលបានថ្លែងទុកក្នុងសៀវភៅនេះ»។ 8ខ្ញុំយ៉ូហានជាអ្នកដែលបានឮនិងបានឃើញហេតុការណ៍ទាំងនេះហើយពេលដែលខ្ញុំបានឮនិងបានឃើញខ្ញុំក៏ក្រាបចុះនៅទៀបជើងរបស់ទេវតាដែលបានបង្ហាញខ្ញុំឲ្យឃើញហេតុការណ៍ទាំងនេះដើម្បីថ្វាយបង្គំ 9ប៉ុន្តែលោកនិយាយមកខ្ញុំថា៖ «មិនត្រូវធ្វើដូច្នោះឡើយ! ខ្ញុំក៏ជាអ្នកបម្រើរួមការងារជាមួយអ្នកជាមួយពួកអ្នកនាំព្រះបន្ទូលជាបងប្អូនរបស់អ្នកនិងជាមួយអស់អ្នកដែលកាន់តាមព្រះបន្ទូលក្នុងសៀវភៅនេះដែរត្រូវថ្វាយបង្គំព្រះជាម្ចាស់វិញ»។ 10លោកនិយាយមកទៀតខ្ញុំថា៖ «កុំលាក់សេចក្ដីដែលបានថ្លែងទុកក្នុងសៀវភៅនេះឡើយដ្បិតពេលកំណត់ជិតដល់ហើយ។ 11អ្នកដែលទុច្ចរិតអោយអ្នកនោះនៅតែទុច្ចរិតទៅ! ហើយអ្នកដែលស្មោកគ្រោកនៅតែស្មោកគ្រោកចុះ! ឯអ្នកដែលសុចរិតអោយនៅតែប្រព្រឹត្តអំពើសុចរិតទៅហើយអ្នកដែលបរិសុទ្ធក៏នៅតែរក្សាខ្លួនអោយបរិសុទ្ធទៀតចុះ»។ 12«មើល៍យើងនឹងមកជាឆាប់ទាំងយករង្វាន់របស់យើងមកជាមួយដើម្បីចែកអោយគ្រប់គ្នាតាមអំពើដែលខ្លួនបានប្រព្រឹត្ត។ 13យើងជាអាលផានិងអូមេកាគឺមុនគេនិងក្រោយគេបង្អស់ជាដើមនិងជាចុងបំផុត»។ 14មានពរហើយអស់អ្នកណាដែលលាងអាវវែងរបស់ខ្លួនដើម្បីអោយគេមានសិទ្វិទៅដល់ដើមជីវិតនិងចូលទៅក្នុងក្រុងតាមទ្វារ។ 15ខាងក្រៅគឺជាពួកឆ្កែពួកមន្តអាគមពួកផិតក្បត់ពួកកាប់សម្លាប់គេពួកថ្វាយបង្គំរូបព្រះនិងអស់អ្នកដែលស្រឡាញ់ហើយប្រព្រឹត្តសេចក្ដីភូតភរ។ 16«យើងយេស៊ូបានចាត់ទេវតារបស់យើងមកធ្វើបន្ទាល់ពីសេចក្ដីទាំងនេះប្រាប់អ្នករាល់គ្នាជាប្រយោជន៍ដល់ក្រុមជំនុំ។ យើងជាឫសកែវនិងជាពូជរបស់ដាវីឌជាផ្កាយព្រឹកដ៏ភ្លឺចិញ្ចែង»។ 17ព្រះវិញ្ញាណនិងកូនក្រមុំពោលឡើងថា៖ «យាងមក» ហើយអ្នកដែលឮអោយអ្នកនោះពោលឡើងថា៖ «យាងមក»។ អ្នកដែលស្រេកអោយអ្នកនោះចូលមកអ្នកដែលចង់បានអោយអ្នកនោះទទួលយកទឹកជីវិតដោយឥតគិតថ្លែចុះ។ 18ខ្ញុំធ្វើបន្ទាល់ប្រាប់អស់អ្នកដែលឮព្រះបន្ទូលថ្លែងទុកក្នុងសៀវភៅនេះថាបើអ្នកណាបន្ថែមអ្វីទៅក្នុងសេចក្ដីទាំងនេះព្រះជាម្ចាស់នឹងបន្ថែមគ្រោះកាចដែលបានសរសេរទុកក្នុងសៀវភៅនេះដល់អ្នកនោះ 19ហើយបើអ្នកណាដកអ្វីចេញពីព្រះបន្ទូលដែលថ្លែងទុកក្នុងសៀវភៅនេះព្រះជាម្ចាស់នឹងដកចំណែករបស់គេពីដើមឈើជីវិតនិងពីទីក្រុងបរិសុទ្ធដែលបានសរសេរទុកក្នុងសៀវភៅនេះចេញពីអ្នកនោះ។ 20ព្រះអង្គដែលធ្វើបន្ទាល់ពីសេចក្ដីទាំងនេះមានបន្ទូលថា៖ «មែនហើយយើងនឹងមកជាឆាប់»។ អាម៉ែនព្រះអម្ចាស់យេស៊ូអើយសូមយាងមក។ 21សូមអោយអ្នករាល់គ្នាបានប្រកបដោយព្រះគុណរបស់ព្រះអម្ចាស់យេស៊ូ។ អាម៉ែន៕
Copyright information for
KhmKCB